Распачалося мерапрыемства ўрачыстым шэсцем па цэнтральнай вуліцы аграгарадка Маляцічы – тут праходзіла свята, якое па праву называюць святам працы хлеба.

Дзякуючы іх працы агульная вага сёлетняга караваю Крычаўскага раёна склала 29567 тон.

Героям жніва – узнагароды, падарункі, музычныя віншаванні і самыя шчырыя словы падзякі за нялёгкую працу, вынік якой, па вялікаму рахунку, – харчовая бяспека краіны, далейшы яе росквіт. Свой уклад у гэту вялікую справу ўнеслі і крычаўскія хлебаробы. Каравай новага ўраджаю – падзяка ад хлебаробаў за падтрымку – уручаецца старшыні раённага выканаўчага камітэта Васілю Сысоеву, а асабіста ад яго караваі атрымалі кіраўнікі гаспадарак раёна.

Шчырую падзяку кіраўнік раённай выканаўчай улады выказаў камбайнерам, механізатарам, вадзіцелям, работнікам зернетакоў, спецыялістам сельгаспрадпрыемстваў, якія самааддана папрацавалі ў сёлетняе жніво.

Віншуючы хлебаробаў Крычаўшчыны са святам, намеснік старшыні Магілёўскага абласнога выканаўчага камітэта Дзмітрый Харытончык падкрэсліў, што “Дажынк” – гэта добрая традыцыя ўшаноўваць тых, чыёй працай ствараецца і прымнажаецца дабрабыт нашай Радзімы. Ад імя абласнога выканаўчага камітэта і сябе асабіста ён павіншаваў са святам і ўручыў крычаўскім хлебаробам галоўныя ўзнагароды “Дажынак”.

Крычаўлян ад усёй душы віншавалі дэлегацыі Чэрыкаўскага і Мсціслаўскага раёнаў.

Ганаровае права спраўляць “Дажынкі” ў наступным годзе атрымала КСУП “Добрасць”. Старшыня СВК “Маляцічы-агра” Аляксандр Радоўскі перадаў свайму калеге Аляксандру Брыняўцу сімвал раённага свята.

А затым удзельнікаў свята і віноўнікаў урачыстасці чакалі падворкі аграгарадкоў раёна з пачастункамі нацыянальнай кухні, песнямі і віншаваннямі, выставы-падворкі ўстаноў адукацыі, спартыўныя спаборніцтвы, розныя конкурсы, атракцыёны для дзяцей, творчыя пляцоўкі, забаўляльная канцэртная праграма…

Таццяна Іўкіна
Фота Аляксандра Гаўрыленкі