Першая нядзеля верасня для кожнага жыхара Беларусі асаблівая, святочная. Менавіта пачынаючы з 1994 года наша краіна адзначае Дзень беларускага пісьменства і друку. Нашы бібліятэкі ў гэтыя дні прапанавалі сваім карыстальнікам кніжна-інфармацыйныя выставы, адкрытыя прагляды літаратуры, прысвечаныя беларускаму слову, беларускім асветнікам. Разнастайныя і цікавыя мерапрыемствы рознага фармату адбылісь амаль ва ўсіх бібліятэчных установах. Былі арганізаваны: літаратурна-гістарычная гадзіна «Кніжная спадчына праз стагоддзі», гістарычнае падарожжа «Светачы беларускай зямлі», гадзіна краязнаўства «Свята беларускага пісьменства», гістарычная гадзіна «І ўсё ж зоркі не гаснуць» і некаторыя іншыя.