І на чарговай сустрэчы інфармацыйна-прапагандысцкай групы, якую ўзначальвае старшыня раённага выканаўчага камітэта Васіль Сысоеў, адбылася зацікаўленая размова аб усім, што хвалюе ветэранаў. Гэта – пытанні добраўпарадкавання вуліц і дарог, прыдамавых тэрыторый, ушаноўванне памяці чыгуначнікаў-удзельнікаў Вялікай Айчыннай вайны, захоўванне лепшых традыцый…

Пытанні, узнятыя ветэранскім актывам раёна, узяты на кантроль аддзелам па рабоце са зваротамі грамадзян і юрыдычных асоб райвыканкама, а выканаўцам – службам і аддзелам – даручана вывучыць узнятыя праблемы для далейшага іх вырашэння.

У сваю чаргу, глава раёна Васіль Сысоеў павіншаваў з 30-годдзем ветэранскага руху і падзякаваў ветэранам за іх актыўную жыццёвую пазіцыю, расказаў аб задачах, якія стаяць перад раённай выканаўчай уладай, аб планах і напрацоўках.  

У дзень сустрэчы ў Героя Сацыялістычнай Працы Анатоля Дзянісавіча Гатоўчыка быў юбілей – 80-годдзе. Старшыня райвыканкама з найлепшымі пажаданнямі ўручыў юбіляру Ганаровую грамату раённага выканаўчага камітэта.