«Залатое пяро «Белай Русі»
Завяршыўся раённы этап рэспубліканскага конкурсу работ творчай моладзі «Залатое пяро «Белай Русі». Сёлета, як адзначыла намеснік старшыні раённай арганізацыі Дзіна Шамро, колькасць удзельнікаў павялічылася. Так, у намінацыі «Беларусь — краіна тваіх магчымасцей» I месца атрымала 10-класніца СШ № 7 Яна Шлапакова, II — 10-класніца Сакольніцкага ВПК д/сад-СШ Ганна Белавусава. Вучаніца 8 класа Бельскага ВПК д/сад-СШ Алена Белянкова атрымала дыплом III ступені ў намінацыі «Разам весела крочыць». У намінацыі «Майстар -сваёй справы» перамагла вучаніца СШ № 8 Аліна Піменава, II месца заваявала Ангеліна Пятрова — удзельніца аб’яднання па інтарэсах «Лічбавы фотаздымак» ЦТДіМ «Крэчут», III — настаўнік гісторыі і грамадазнаўства СШ № 1 Сяргей Астанковіч. У намінацыі «Медыя III тысячагоддзя» дыпломы I ступені ўручаны вучаніцам 8 і 10 класаў СШ № 8 Наталлі Патапавай і Арыне Гарбаценка, II — педагогу-арганізатару СШ № 5 Надзеі Сямтомавай і настаўніцы біялогіі СШ № 5 Алене Дубяга, якія падрыхтавалі сумесную работу. Таксама дыплом II ступені атрымала настаўніца англійскай мовы СШ № 5 Марына Дзічкоўская. III месца па¬дзялілі выхавальніца ясляў-сада № 19 Дар’я Сер¬дзюкова і выхавальніца ясляў-сада № 9 Наталля Драмкова. Акрамя дыпломаў, пераможцы атрымалі каштоўныя падарункі і грашовыя ўзнагароджанні. Таксама РА РГА «Белая Русь» выпусціць зборнік іх конкурсных работ. Павіншавала пераможцаў і выказала ра¬дасць, што на Крычаўшчыне шмат таленавітай моладзі, старшыня раённай арганізацыі Жанна Дзмітрыева. Таксама на ўрачыс¬тым мерапрыемстве ўручылі членскія білеты новым членам «Белай Русі».